Дваесет и вториот Мундијал на ФИФА наближува сѐ поблиску и поблиску. На едно место, во малиот Катар, ќе се соберат најдобрите фудбалери од целиот свет, или барем така се вели. Сепак, некои од најдобрите нема да бидат дел од овој светски собир.
За пехарот на ФИФА ќе се борат 32 репрезентации, а меѓу нив ќе недостасуваат некои и тоа како познати имиња на репрезентации. Веројатно најмногу ќе недостасува актуелниот европски шампион Италија, потоа и Чиле, Нигерија, Шведска, Египет, Колумбија... репрезентации во кои играат некои од најдобрите фудбалери во моментов.
Ова е листа на играчи кои дефинитивно ќе фалат во Катар:
Холанд веќе се смета за еден од најдобрите голгетери во светот и веројатно најмногу ќе недостасува во Катар. Но, Холанд игра за Норвешка, репрезентација која многу ретко се квалификувала бидејќи тешко создава добра екипа. Холанд веројатно ќе мора да го прифати фактот дека ова нема да биде последен голем собир кој ќе го пропушти. За потсетување, го пропушти и ЕУРО 2020 каде Норвешка исто така не успеа да се квалификува.
Голманите сами не можат да го сменат текот на натпреварот, и тоа е причината поради која еден од најдобрите светски голманите ќе го гледа Мундијалот на ТВ, како што правеше и досега. Малата Словенија има досега двапати изненадено квалификувајќи се, но никогаш откако големиот Облак е на голот.
Еден од најдобрите креативци од средниот ред веќе има 29 години, а не одигра ниту еден Мундијал откако стана вонсериски играч, во најдобрите години од фудбалската кариера. Навистина жалосно за еден ваков великан.
Салах не оди во Катар за да оди Садио Мане. Фортуната при африканската бараж жрепка одлучи овие двајца да играат еден против друг, а епилогот на крајот беше негативен по Египќанецот.
Колумбија беше очајна во квалификациите, па затоа во Катар ќе ја нема новата ѕвезда на Ливерпул.
Капитенот на Австрија и играч на Реал Мадрид нема одиграно ниту еден Мундијал, што и не е чудно со оглед на квалитетот на неговата репрезентација.
Реши да ѝ се врати на репрезентацијата, па повредите го спречија да ѝ помогне на Шведска да се пласира во Катар. Со оглед на неговите 40 години, ова многу веројатно дека беше последената шанса за уштре еден голем турнир за популарниот Ибра.
Вториот Норвежанец на оваа листа е фантастичниот капитен на Арсенал. Ја носи и капитенската лента во репрезентацијата, а во комбинација со Холанд норвешките навивачи со право се надеваат дека во блиска иднина Норвешка конечно ќе се пласира некаде.
Јунакот на Италија од ЕУРО 2020 е сѐ уште млад, па има надеж дека некогаш ќе заигра на Мундијал. Тоа дефинитивно нема да биде во Катар, за жал.
Уште еден играч на Ливерпул кој Мундијалот ќе го мине дома, или можеби во тимскиот тренинг-центар. Шкотска беше во европските баражи, но не успеа.
Напаѓачот на Наполи кој е мета на низа европски гиганти беше дел од составот на Нигерија која во баражот изненадувачки потклекна пред Гана. Ќе мора да почека за својот прв Мундијал.
Новото шведско чудо ја избра Шведска пред Македонија, земјата од која потекнува, и тоа токму поради тоа што сметаше дека со Шведска редовно ќе игра на големите турнири. Не успеа уште во неговиот прв мундијалски обид.
Разиграните и распеани Чилеанци секогаш беа атрактивни за гледање, но како и за Мундијалот 2018, така и сега имаа проблеми во квалификациите, па повторно не успеаја. Видал, кој има 35 години, има два Мундијала зад себе и најверојатно на толку и ќе остане.
