На Светското првенство во Катар се одиграа четири натпревари, а веќе два беа во центарот на вниманието поради официјалната посетеност на нив.
Организаторот на турнирот на два од нив објави бројки за посетеност кои тешко може да бидат вистинити, а потоа се најде на удар на критики поради тоа, пишува Daily Mail.
На секој досега одигран натпревар се зголемуваше бројот на гледачи, но особено се издвојуваат два. И покрај тоа што за време на преносот беше јасно дека трибините не се полни и дека има многу празни седишта, според официјалните бројки, имало повеќе гледачи отколку што може да собере стадионот.
Повеќе луѓе отколку седишта
Така, воведниот натпревар на Светското првенство меѓу Катар и Еквадор во живо го следеле 67.000 луѓе, соопштија по него организаторите. Проблемот е што стадионот Ал Бајт може да прими 60.000 и јасно се виде дека на полувремето е прилично празен.
Победата на Холандија против Сенегал од трибините наводно ја следеле 41.721 навивачи. 40.000 собира на трибините на стадионот Ал Тумама.
