Организаторите на Светското првенство наидуваат на остри критики за бројот на гледачи на стадионите во Катар. Кон крајот на мечот се најавува и бројот на навивачи, според кој стадионите редовно се распродадени, иако речиси на секој меч досега има празни столчиња на трибините.
На некои натпревари, како на оној меѓу Сенегал и Холандија, стадионот беше полупразен, но и тоа не беше најголемиот проблем. Организаторите беа критикувани затоа што редовно го објавуваа бројот на гледачи на стадионот, кој беше поголем од официјалниот капацитет на стадионот.
ФИФА беше бомбардирана со медиумски прашања од целиот свет за тоа како е можно да се објават такви податоци, а чадор-организацијата на нив одговори со еден удар. Од официјалната страна на СП ги отстрани „старите“ податоци за капацитетот на стадионите и потоа објави нови податоци кои одговараат на податоците за наводниот број на гледачи таму.
