Франшизите од Лос Анџелес, Лејкерс и Клиперс, изминатава ноќ претрпеа тешки порази во дуелите со Минесота и Мајами во најсилната лига во светот.
Лејкерс беа поразени со 134:93 на гостувањето кај Мајами, најтежок пораз оваа сезона. Конечните 41 поен разлика за домашните не беа најголемата разлика во текот на натпреварот. Пред самиот финиш Хит имаше и +43.
Избраниците на Ерик Спелстра и на овој меч постигнаа два рекорда, забележаа најмногу асистенции и најмногу тројки во историјата на франшизата.
Дури 42 асистенции поделија кошаркарите на домашната екипа, една повеќе од претходниот рекорд, додека во исто време погодија 24 тројки.
Тајлер Хироу го предводеше нападот со 31 поен, од кои 21 постигна во третата четвртина, најдобриот стрелец на тимот, а Бем Адебајо забележа дабл-дабл со 14 поени и 10 скока.
Во поразениот тим убедливо најдобар беше Леброн Џејмс со 29 поени.
Дебакл, иако не толку лош како Лејкерс, доживеаја и Клиперс. Постигнаа само 80 поени и загубија од Минесота со 28 поени разлика (80:108).
Триумфот на Минесота можеше да биде и поубедлив бидејќи во еден момент водеше со огромни 41 поен разлика.
Џулиус Рендл ги предводеше „Волците“ до третиот последователен триумф (по 4 последователни порази) со 20 поени, од кои 16 постигна во првата четвртина. Рендл ги постигна сите свои поени, вклучително и 5 тројки, во првото полувреме.
Го следеше Ентони Едвардс со 16 поени.
Боунс Хјаланд беше единствената светла точка во поразениот тим со 18 поени.
Џејмс Харден имаше катастрофална шутерска вечер – упати само еден удар од поле (1/10 вкупни, 1/6 за три), а мечот го заврши со само 5 поени.
Резултати:
Бостон Селтикс - Детроит Пистонс 130:120
Бруклин Нетс - Индијана Пејсерс 99:90
Мајами Хит - Лос Анџелес Лејкерс 134:93
Филаделфија 76ерс - Орландо Меџик 102:106
Милвоки Бакс - Атланта Хокс 104:119
Лос Анџелес Клиперс - Минесота Тимбервулфс 80:108
Табела:
