Во последните 24 часа дури 1.022 неодговорни граѓани биле затекнати без заштитна опрема, додека 231 лице добило решение за изолација.
Министерот за внатрешни работи, Наќе Чулев, информираше за активностите на МВР во изминатите 24 часа во врска со превентивата за ширење на коронавирусот.
Во текот на изминатото деноноќие на територијата на целата држава на вкупно 231 лице им се издадени решенија за изолација, а 161 лице потпишале изјави за самоизолација. Во државен карантин спроведени се 105 лица.
Во координација со Државниот пазарен инспекторат извршени се 388 контроли во објекти при што евидентирани се 3 објекти кои не ги почитувале одлуките на Владата.
Од страна на полициските службеници досега констатирани се вкупно 12.399 прекршоци за неносење лична заштита на лицето од кои 1.022 прекршока во изминатото деноноќие.