Откако австриската влада најави дека ќе се воведе задолжителна вакцинација, сега се познати и казните за непочитување на новите обврски.
Во нацрт-законот на кој работи Министерството за здравство е предвидено оние кои нема да ја почитуваат задолжителната вакцинација да бидат казнети со до 3.600 евра за одбивање на првата доза и 1.450 евра за одбивање на третата доза.
„Мора да се направи понуда и граѓаните да се наведат на вакцинација. Кој ќе ја одбие таа понуда ќе мора да плати парична казна“, изјави министерката надлежна за уставни прашања, Каролина Ештадлер.
Таа потврди дека казните се во наведената висина.
„Апсолутно не сме задоволни со степенот на вакцинација“, изјави таа на јавниот сервис ORF.
