Нобеловата награда за литература за 2017 година отиде во рацете на англискиот автор со јапонско потекло, Казуо Ишигуро. Шведската академија го пофали како уметник кој ја „доближил фантазијата до вистинскиот свет“.
Казуо Ишигуро е роден во Нагасаки, Јапонија, но на петгодишна возраст заедно со неговите родители се сели во Велика Британија, каде дипломира на Универзитетот во Кент, во 1978 година.
„Темите кои лауреатот Казуо Ишигуро најчесто ги обработува се: меморија, време и залажување на себеси“, истакна Академијата која ја доделува наградата.
Неговата најпозната книга е „The Remains of the Day“, која излезе во 1989 година, а за која има снимено и филм со Ентони Хопкинс во главната улога.
Ишигуро има седум книги зад своето име, од кои последна е „The Buried Giant“ од 2015 година. Покрај тоа, тој пишува и сценарија, кратки раскази и текстови за песни.