Откако пред некој ден ЈП „Комунална хигиена“ - Скопје се пофали дека само за време на изминатиот викенд исчистиле приближно 150 кубни метри отпад од јавните површини, вклучително и во Оштина Аеродром, прашуваме кога на ред ќе дојде и депонијата кај контејнерите пред висококатниците Џевахир.
На тротоарот пред кулата А, веднаш до оградата на воената акдемија, се наоѓаат 7 контејнери за отпад и еден за стакло. Зад нив е расфрлано ѓубре кое со години никој не го чисти.
Грозната глетка следува веднаш откако ќе ги поминете контејнерите.
Инаку, тука всушност има ограда со врата на која стои знак за забрането паркирање и дека во случај некој да е паркиран од воената академија ќе повикаат пајак служба.
