Кејли МекКион го собори светскиот рекорд на 100 метри грбно во мали базени (25 метри) на австралиското државно првенство.
Актуелната олимписка шампион на 100 и 200 грбно победи со резултат 54,56 секунди и за 33 стотинки го собори рекордот на нејзината сонародничка Мина Атертон.
По Олимпијадата во Париз, каде што освои злато на 100 и 200 метри, 23-годишната МекКион рече дека ѝ е здодевно да седи дома и се пријавила за националните првенства во Аделаида.
Кејли веќе се квалификуваше за Светското првенство во мали базени во Будимпешта во декември благодарение на нејзините олимписки победи, но рече дека сѐ уште не е сигурна дали ќе плива во главниот град на Унгарија.
