Војвотката од Кембриџ, Кејт Мидлтон се појави на лондонската премиера на филмот „Top Gun: Maverick“, а благодарение на елегантното модно издание таа го украде вниманието на црвениот килим.
Кејт Мидлтон и принц Вилијам се појавија на црвениот килим на британската премиера на „Top Gun: Maverick“, заедно со Том Круз. Кејт носеше црно-бела тоалета, додека принц Вилијам се појави во класичен црн смокинг.
Кралскиот пар се запозна и со останатиот дел од филмската екипа, а Круз ги украде симпатиите на публиката кога и понуди рака на Кејт додека се качуваше на скалите.
„Имаме многу заеднички работи“, изјави Круз за принцот, пренесе My London. „И двајцата ја сакаме Англија и двајцата сме авијатичари, сакаме да летаме“, објасни актерот.