За Кејт Мидлтон почна нова ера откако за прв пат како принцеза од Велс присуствуваше на кралски банкет. За оваа прилика носеше накит со кој ѝ оддаде почит на принцезата Дијана, но и на кралицата Елизабета.
Членовите на кралското семејство се собраа на банкет организиран од кралот Чарлс во Бакингемската палата. Кејт блесна облечена во долга, бела тоалета со сребрени украси на рамената.
Мидлтон првпат присуствуваше како принцеза од Велс, носејќи ја тијарата на принцезата Дијана.
Украсите на фустанот беа ускладени со тијарата, претходно носена од принцезата Дијана чија титула Мидлтон ја наследи кога Чарлс стана крал.
Украсена со 38 бисери во облик на солзи, накитот беше омилено парче на принцезата Дијана која го носеше во 2015, 2016 и 2019 година на различни приеми.
Тијарата била направена за кралицата Мери на почетокот од 20 век. За банкетот, приреден во чест на јужноафриканскиот претседател, Кејт носеше бисерни обетки кои некогаш припаѓале на Дијана и нараквица од бисери и дијаманти од колекцијата накит на кралицата Елизабета Втора.