Кејт Мидлтон се појави на Вимблдон и ја одушеви публиката

Кејт Мидлтон се појави на финалето на Вимблдон во Ол Ингланд клубот и предизвика воодушевување кај публиката.

Добро расположена принцезата од Велс се појави во друштво на нејзината ќерка Шарлот и сестрата Пипа Мидлтон и со насмевка ја поздрави толпата. Многумина ѝ аплаудираа и со насмевка ја поздравија својата омилена принцеза.

Таа носеше виолетов фустан од Safiyaa, кој чини 1.295 фунти.

Кејт Мидлтон е позната и како голем љубител на тенисот, а самата е покровител на клубот за тенис и крокет на тревниците Ол Ингланд. Но, откако ѝ беше дијагностициран рак, таа не ги извршуваше службените обврски, а пред Вимблдон имаше само еден јавен настап.

Палатата Кенсингтон вчера објави дека принцезата од Велс ќе се појави во финалето кое се одржува денеска и ќе го додели победничкиот пехар.

Во финалето играа Новак Ѓоковиќ (37) и 21-годишниот Карлос Алкарас, а победата, исто како лани, ја однесе Шпанецот.