Малата брлива поп изведувачка Мајли Сајрус изјави дека е музата зад песната со која се прослави Кејти Пери „I kissed a girl“. Tаа во интервју за една радио станица изјави дека причината за песната била токму таа.
Дали станува збор за случаен бакнеж или чиста измислица и ловење публицитет никој не може со сигурност да каже. Математиката покажува дека, доколку е вистина, Мајли би имала 15 а Кејти 24 години во времето на бакнежот.
Многу списанија правеа шпекулации за тоа кој ја инспирирал Кејти да ја напише оваа песна, а листата на имиња во себе ги криеше Скарлет Јохансон, Анџелина Џоли и Натали Портман.
„Да ви кажам искрено, ниту една од нив не ја инспирираше оваа песна. Вистинската девојка која ја бакнав не ни знае дека оваа песна е за неа. Се случи непланирано на една забава кога имав 20 години“ изјави Кејти Пери која веќе десет години е блиска пријателка со Мајли.
