23-годишната Џина Марија Шумахер на Instagram објави црно-бела фотографија на која позира со широка насмевка на лицето, насмевка со која неверојатно наликува на нејзиниот татко Михаел Шумахер.
Објавата доби над 11.000 лајкови и многу коментари од типот на „Каков татко, таква ќерка“, „Прекрасна насмевка“, „Иста си како твојот татко“, „Ти си клон на Михаел“ и слично.
Освен привлечниот изглед, Џина од нејзиниот татко ја наследи и љубовта кон спортот. Таа професионално се занимава со јавање коњи.
Пред седум години Михаел Шумахер доживеа несреќа при скијање при што неколку месеци беше во кома. Последните неколку години престојува во семејниот дом во Женева, каде семејството се грижи за него.
Неговата здравствена состојба засега останува тајна, по негова желба. Семејството единствено откри дека тој не може да се движи.
