МедоувВокер, ќерката на покојниот Пол Вокер, се огласи на Instagram за да сподели слика од снимањето на новиот филм Fast & Furious и нејзиното искуство на сетот.
„Првиот филм Fast & Furious излезе кога имав една година! Пораснав на сетот гледајќи ги татко ми, Вин, Џордан, Мишел, Крис и другите на екранот. Благодарение на татко ми, се родив во семејството Fast & Furious. Не ми се верува дека сега ќе можам да бидам дел од франшизата заедно со оние кои ме гледаа како растам“, напиша таа покрај фотографијата.
Таа му се заблагодари на режисерот на филмот Fast X, Луис Летериер, за неговата „љубезност, трпение и поддршка“.
„Се чувствувам како да сте дел од семејството од кога започнавме, мило ми е што ова е само почеток“, додаде таа.
Таа, исто така, се заблагодари на, како што рече, најдобриот пријател на нејзиниот покоен татко, кој сега е нејзин најдобар пријател, продуцентот Брендон Биртел, додавајќи: „Ова не би било можно без тебе“.
Манекенката на крајот напиша дека е благодарна што имала можност да му оддаде почит на татко ѝ преку оваа улога.
Пол Вокер почина во 2013 година на 40-годишна возраст. Furious 7 беше последниот филм во кој глумеше, а сцените кои не можеше да ги заврши ги презедоа неговите браќа Кејлеб и Коди, чии лица беа заменети со CGI технологијата.
Fast X доаѓа во кината на 19 мај, а последниот дел ги враќа главните ѕвезди од франшизата Вин Дизел, Мишел Родригес, Тајрис Гибсон, Лудакрис и Сунг Канг. Во филмот се приклучуваат и нови лица, имено Џејсон Момоа, Бри Ларсон и Рита Морено, која ја игра бабата на ликот на Дизел. Дизел објави дека Fast X се враќа на корените на франшизата, кои ги вклучуваат улиците на Лос Анџелес и трките со автомобили.