Американскиот кошаркар Кевин Дурнт ја одби опцијата во својот договор и наредната сезона да биде играч на Голден Стејт Вориорс и сега е слободен агент.
Вориорс беа поразени во НБА финалето од Торонто Репторс по шест одиграни натпревари и во таа серија Кевин Дурент ја скина Ахиловата тетива, што е една од најтешките спортски повреди.
Сепак, тоа не ја намали цената на еден од најдобрите играчи на денешницата и тој одлучи следната сезона да не ја помине во Голден Стејт, туку да си ги истражи опциите и да потпише повеќегодишен договор со некоја од 30-те НБА франшизи.
Ако одлучеше да остане, Дурент ќе имаше плата од 31,5 милиони долари.
Тој сега се наоѓа во Њујорк каде со менаџерот Рич Клајмен ги разгледуваат опциите за иднината на неговата кариера.
Најгласни се шпекулациите дека ќе остане во „Големото јаболко“ и ќе потпише за Никс или за Нетс.
