Жестоката пресметка меѓу Златан Ибрахимовиќ и Ромелу Лукаку е најголемата приказна од миланското дерби што го доби Интер со 2:1, во четвртфиналето од Купот на Италија.
Ибра ја спомна мајката на белгискиот напаѓач, а овој му ја опцу сопругата. Вербалниот судир заврши со по еден жолт картон, а потоа продолжи во тунелот. Таму, соиграчите едвај го задржаа Лукаку да не потрча по Ибрахимовиќ, кој веднаш отиде во соблекувалната. Сепак, Лукаку го фати таму и, бесен, според очевидците, му упати сериозна закана: „Кучкин син, сакаш да зборуваш за мајка ми? Ќе те пукам во глава!“.
На социјалните мрежи со денови се дискутираше кој би ја добил борбата меѓу двајцата фудбалери, доколку би дошло до физичка пресметка. На повеќето вакви анкети, Ибра добива околу 70 проценти, а непоразениот ММА борец Хабиб Нурмагомедов прогнозира дека Швеѓанецот би бил победникот.
Дагестанскиот борач го избрал Ибра во анкетата на Instagram страницата 433 со прашање: „Кој би победил во борбата?“
Што мислите вие? Кој би победил во борба меѓу Лукаку и Ибра?