Сплитски Хајдук сепак се покажа како непремостлива пречка за македонскиот претставник иако во Скопје славеше само со минимални 0:1.
Гостите од далмација победничкиот гол го постигнаа уште во 4. минута кога Мијо Цакташ со глава ја затресе мрежата на Хадис Велии.
Во вториот дел македонскиот претставник имаше неколку обиди за израмнување, но не успеа да погоди.
Од 77. минута во редовите на сплитскиот тим настапи и нашиот Јани Атанасов кој скоро потпиша за Хајдук.
За Ренова настапија: Велии; Шала, Абдука, Мишковски, Фетаи (46' Мухарем); Гавазај, Садики (73' Велиу); Шефити, Гафури, Велија; Рамадани (89' Јашароски).
Натпреварот се играше на стадионот „Петар Милошевски“ во склоп на тренинг центарот на ФФМ во скопската населба Ново Лисиче.
Со овој пораз заврши европската авантура на „Гипсарите“ од Џепчиште. Хајдук во наредното коло ќе игра со победникот од дуелот на Нефтчи и Галатасарај.