Турскиот фудбалер и првотимец на Интер, Хакан Чалханолу со зборови го нападна својот поранешен соиграч од лутиот градски ривал Милан, Златан Ибрахимовиќ.
Чалханолу играше за новиот италијански првак од 2017 до минатата година кога го гледаше Интер како ја освојува долгоочекуваната титула на Италија.
Потоа направи контроверзен потег со преселбата во Интер и во првата сезона во новиот клуб мораше да гледа како неговиот поранешен клуб Милан ја освојува титулата, по 11 години чекање.
Револтиран од сето ова, реши да го коментира Ибрахимовиќ и неговото однесување и прозивањето на Хакан за време на прославата на титулата на „Росонерите“.
„Тој обожава да привлекува внимание. Нема придонесено со ништо сезонава, воопшто не играше. Сепак, сѐ што прави е само за да го привлече вниманието на навивачите. Така живее. Има 40 години. Јас да имав 40 години не би ги правел тие работи“, изјави Чалханолу за турскиот медиум Tivibu Spor.
Да потсетиме, Ибрахимовиќ сепак имаше одреден придонес во освојувањето на титулата на Милан, иако не играше многу.
Неодамна потврди дека поради и она малку што го одигра шест месеци бил без лигаменти на левото колено, само за да не оди на операција на сред сезона.