Седумкратниот светски шампион во Формула 1, Луис Хамилтон, во февруари минатата година ја објави својата одлука да го напушти Мерцедес по 12 години соработка и да ја продолжи кариерата во Ферари.
40-годишниот Британец, кој со Мерцедес освои 6 светски шампионати по првата титула со Мекларен, се натпреварува во Формула 1 од 2007 година.
Хамилтон возењето за Ферари во Формула 1 го опиша како остварување на детскиот сон, а со славниот тим потпиша повеќегодишен договор со плата од околу 50 милиони евра по сезона.
Зборувајќи за Time, Хамилтон ја сподели својата љубов кон Ferrari 250 GT California Spyder, легендарниот кабриолет кој има култен статус. Замислувајќи го својот идеален живот по тркањето, Хамилтон рече: „Тоа е ултимативен автомобил за пензионирање“.
Рече дека се замислува себеси како вози по автопатот „Пасифик Коуст“ со неговиот булдог Роско: „Можам да се замислам себеси со Роско, него го замислувам со шал и очила како седи на предното седиште“.
Ferrari 250 GT California Spyder, произведен помеѓу 1957 и 1963 година, е еден од најпочитуваните модели на Ferrari. Дизајниран од Серџо Скалети, неговата комбинација на В12 мотор, неверојатни линии и тркачко педигре го направија симбол на автомобилскиот луксуз.
Во светот беа произведени само 106 примероци. На аукција во 2015 година, автомобилот што некогаш му припаѓал на Ален Делон бил продаден за 18,5 милиони долари, што денес, по прилагодувањето на инфлацијата, би изнесувало околу 24,8 милиони долари.
Во моментов Classic.com ја проценува просечната вредност на овој автомобил на околу 7 милиони долари.
