Хамилтон му одговори на Ферстапен: Непријателства секогаш ќе има

Луис Хамилтон, поранешен светски шампион, одговори на обвинувања кои дојдоа од актуениот шампион Макс Верстапен.

Холанѓанецот тврдеше дека Хамилтон е виновен за инцидентот на патеката „Хунгароринг“, кога двајцата возачи се судрија.

Сѐ се случи кога Верстапен сакаше да го заобиколи Хамилтон во борбата за третата позиција во финишот на трката. Верстапен на крајот заврши на петтото место, а Хамилтон остана трет зад победникот Оскар Пјастри и Ландо Норис.

„Тргнав да го поминам. Некаде на средината на таа зона на минување, кога веќе решив да поминам, тој одеднаш тргна надесно. Да не свртев малку, ќе имаше посилен контакт со него. Така, закочив природно, бидејќи тој продолжи да оди надесно“, рече Верстапен.

Од Хамилтон беше побарано да го коментира инцидентот и наводите изнесени од Верстапен.

„Поминувавме покрај група болиди кои ги минувавме за цел круг и влегов во добра зона, кога се појави Макс, па зазедов одбранбена позиција. Му оставив многу простор внатре, но Макс реши да заземе поинаква траекторија кон мене. Имав чувство дека тоа е стандарден тркачки инцидент, бидејќи во тие ситуации е лесно да се направи грешка, па чувствувам дека нема причина за некакво непријателство, иако од друга страна секогаш ќе има такви работи“, изјави Британецот.

Во генералниот поредок на шампионатот, Верстапен е прв со 265 бодови, Ландо Норис е втор со 189, додека Хамилтон е шести со 125.