Седумкратниот светски шампион во Формула 1 и возач на Мерцедес, Луис Хамилтон, призна дека неговата одлука да го напушти мотоспортот може да биде под влијание на заминувањето на колегата Фернандо Алонсо.
„Навистина не знам. Ако Фернандо Алонсо замине, можеби ќе треба двапати да размислам за тоа, затоа што тогаш ќе бидам најстариот возач! Генерално, ми се чини дека предолго се одолговлекува муабетот дека се ближи крајот на кариерата. Сигурен сум дека секој од нас во својата работа веројатно мора да анализира што ќе се случи следно. Дали има некое место каде што би сакале да бидете? Дали има можности за раст? Мислам дека во мојот случај сè е приближно исто“, ESPN ги цитира зборовите на Хамилтон.
Во моментов Алонсо има 41 година, додека Хамилтон има 37 години.
Најстариот возач кој некогаш учествувал на Гран при во Ф1 е Луис Кирон. Тој во 1955 година на трката за Големата награда на Монако имаше 55 години.
По 19 трки од актуелнава сезона 2022, Хамилтон е шести во поединечниот пласман со 198 бодови.