Врховниот лидер на Иран, ајатолахот Али Хамнеи, го опиша Израел како ништо повеќе туку еден терористички камп поради проблемот со Палестинците.
Хамнеи го искористи таканаречениот Кудс ден, ден во годината на кој Иран традиционално му искажува поддршка на палестинското движење за независност. Тој на Twitter го искажа својот став.
„Уште од првиот ден ционистите ја претворија окупираната Палестина во камп за тероризам. Израел не е држава; тоа е терористички камп против Палестинците и останатите муслимански нации. Борбата против овој деспотски режим е борба против репресијата и тероризмот. И ова е обврска на секој“, твитна Хамнеи.
Тој продолжи да твита и ги повика Палестинците кои живеат во Источен Ерусалим, Западниот Брег и Појасот Газа да создадат една единствена единица и да ги користат расположливите средства против Израел иако официјален Тел Авив лани потпиша договори за нормализација на односите со неколку арапски држави.