Најмалку две лица загинаа денеска, а седум се повредени во пукање во Бејрут.
Пукањето се случило во близина на местото каде што се одржуваше протестот против главниот судија во истрагата за минатогодишната експлозија во пристаништето во Бејрут, пренесува Reuters, повикувајќи се на неименуван извор од армијата.
Претходно денеска, либанската телевизија Ал Џадид објави дека се слушаат истрели во близина на местото каде што се одржа протестот, и објави снимки на кои се гледа како луѓето на улица бегаат и се обидуваат да најдат засолниште.
Претходно, либанскиот суд ја отфрли тужбата против главниот истражител во истрагата за експлозијата во Бејрут во август минатата година, во која загинаа повеќе од 200 луѓе, и му дозволи да ја продолжи својата работа, покажуваат судските документи.
Истрагата за експлозијата беше прекината оваа недела откако поранешниот министер за финансии Али Хасан Халил и поранешниот министер за јавни работи Гази Зеитар поднесоа жалба. Главниот судија Тарек Битар издаде налог за апсење на Халил.