Лос Анџелес Клиперс ги совладаа Булс среде Чикаго со 122:117, прекинувајќи ја серијата од 3 порази, додека Бостон Селтикс доживеа тежок пораз на гостувањето кај Детроит Пистонс.
Клиперс ноќеска подобро влегоа во натпреварот и имаа 5 поени предност по првата четвртина, но Булс го свртеа резултатот пред полувремето, па првото полувреме заврши со 60:59 за домашните.
Гостите по паузата повторно отворија подобро и во последната четвртина влегоа со 5 поени предност, но овојпат во драматична завршница го сочуваа водството и остварија победа.
Најдобар играч кај победничкиот тим беше Џејмс Харден, кој постигна 30 поени. Погоди и тројка со која ја запечати победата во последните минути од натпреварот. Поддршка имаше од Амир Кофи, кој постигна 20 поени, додека Зак Колинс (21 поен и 17 скока) и Џош Гиди (21 поен и 12 асистенции) одиграа речиси сами за Булс.
Клиперс се на шестото место во Западната конференција со 32 победи и 26 порази, а Булс се 10-ти на Истокот со скор 23-36.
Детроит Пистонс ја продолжи победничката серија, овој пат декласирајќи го актуелниот шампион Бостон Селтикс со 117:97. Ова е осма последователна победа за тимот кој моментално заедно со Кливленд Кавалирс е во најдобра форма во целата лига. Детроит речиси 17 години немал ваква серија победи. Пистонс ја прекинаа долгата серија неуспеси во дуелите со Бостон, имаа серија од 12 порази во низа.
Предводници на овој триумф беа незапирливиот Малик Бизли, најефикасен со 28 поени, и Кејд Канингем кој постигна 21 поен и забележа 11 асистенции, додека Џејлен Дуран имаше 13 поени и 11 скокови.
Овој пораз беше втор најубедлив за Бостон сезонава и го означи крајот на серијата од 6 победи.
Џејсон Тејтум беше најефикасен со 27 поени, а Дерик Вајт и Пејтон Причард постигнаа по 18. Детроит се зацврсти на шестото место на Истокот (33:26), Милвоки има една победа повеќе и еден пораз помалку.
Резултати:
Индијана Пејсерс – Торонто Репторс 111:91
Вашингтон Визардс – Портланд Треил Блејзерс 121:129
Мајами Хит – Атланта Хокс 131:109
Бруклин Нетс – Оклахома Сити Тандер 121:129
Чикаго Булс – Лос Анџелес Клиперс 117:122
Јута Џез – Сакраменто Кингс 101:118
Хјустон Рокитс – Сан Антонио Спарс 118:106
Табела:
