Изгледа дека не им било гајле кој ќе ги види.
Додека сите се прашуваат дали Селена Гомес и Зејн Малик навистина биле видени како се бакнуваат во ресторан во Њујорк, Хари Стајлс и Емили Ратајковски оставија малку простор за шпекулирање.
Стајлс и Ратајковски беа забележани како се навистина блиски еден со друг во Токио, Јапонија на 25 март - манекенка се бакнува и се смешка со пејачот и актер на фотографиите и видеото до кои дојде The Daily Mail.
Стајлс (29), кој беше во Јапонија за неговата турнеја Love on Tour, и Ратајковски (31) беа снимени како танцуваат и се бакнуваат на улица.
Единственото прашање кое остана неодговорено е дали станува збор за забава за една вечер или на повидок е нова славна двојка.
И Емили Ратајковски, и Хари Стајлс неодамна излегоа од врска. Само една година откако го доби синот Силвестер Аполо Бер, Ратајковски го заврши четиригодишниот брак со Себастијан Бер-Меклард во летото 2022 година по бранот гласини за изневерување.
Хари Стајлс беше поврзуван со Оливија Вајлд две години, пред парот, наводно, да одлучи да паузира во ноември 2022 година.
