Marvel Entertainment објави официјално соопштение за претстојниот филм за суперхерои Captain America: Brave New World, во кој Ентони Меки го игра истоимениот суперхерој.
Меки првпат се појави во филмскиот универзум на Marvel во Captain America: The Winter Soldier од 2014 година, во кој го играше Сем Вилсон, попознат како суперхеројот Фалкон. Подоцна ја повтори улогата во филмот Captain America: Civil War од 2016 година, серијалот Avengers и минисеријата The Falcon and the Winter Soldier.
Сем Вилсон ја презеде титулата Капетан Америка во Avengers: Endgame (2019) кога неговиот долгогодишен пријател Стив Роџерс (Крис Еванс) му го предаде штитот откако реши дека сака да се врати во времето и да го помине животот со Пеги Картер (Хејли Атвел).
Captain America: Brave New World е во режија на Џулиус Она, а сценариото на Малколм Спелман, Далан Мусон и Метју Ортон. Дејствието на филмот се одвива по мини-серијата The Falcon and the Winter Soldier и го следи Сем додека се обидува да се докаже како новиот капетан Америка.
Во новиот филм, Сем одлучува дали Капетан Америка ќе стане агент на американската влада или не, но прво мора да спречи платен убиец кој се обидува да се ослободи од претседателот Тадеус Thunderbolt Рос.
Рос го игра Харисон Форд, кој во трејлерот накратко можеме да го видиме како Црвениот Халк, алтер-егото на Рос од стриповите на Marvel. Пред Форд, Тадеус Рос го играа Сем Елиот и покојниот Вилијам Херт.
Споредните улоги во филмот ги толкуваат Дени Рамирес, Карли Лумбли, Исаја Бредли, Шира Хас, Џанкарло Еспосито, Лив Тајлер, Бети Рос и Тим Блејк Нелсон.
Captain America: Brave New World ќе се појави во кината на 14 февруари 2025 година.
