Иако неговите дела се многу популарни во неговата родна Јапонија и во странство, писателот бега од славата и ретко се појавува во јавноста.
Познатиот јапонски писател Харуки Мураками на 13 април ќе објави нов роман во Јапонија, негов прв во последните шест години, објави неговата издавачка куќа Shinchōsha, без да го открие насловот или темата на романот.
Издавачката куќа не ни посочи кога ќе бидат објавени преводите на романот. Она што го навести издавачот е бројот на страници - ракописот е долг 1.200 страници.
Неговите дела, десетина романи, новели и есеи, се преведени на педесет јазици. Меѓу неговите најпознати романи се „The Wind-Up Bird Chronicle “ (1994), „Kafka On the Shore“ (2002) и „1Q84“ (2009).
Неговиот краток расказ „Drive My Car“ беше адаптиран во филм кој го доби Оскар за најдобар странски филм во 2022 година. Последниот роман на Мураками, „Killing Commendatore“, беше објавен во Јапонија во 2017 година.
