Поранешниот холивудски филмски продуцент и осуден за сексуален престапник Харви Вајнстин бил хоспитализиран по алармантен резултат од тестот на крвта.
Адвокатот на Вајнстин, Имран Ансари, изјави дека 72-годишникот бил однесен во болница во Њујорк на итна помош поради алармантен резултат на тест на крвта за кој била потребна итна медицинска помош.
Тој ќе остане во болница до стабилизирање на неговата состојба. Американските медиуми во октомври објавија дека на Вајнстин му бил дијагностициран рак на коскената срцевина.
„Продуцентот, кој моментално отслужува затворска казна во озлогласениот затвор на островот Рајкерс, страда од недостаток на соодветна медицинска нега и страда од непристојни и нехумани услови“, рече Ансари.
Портпаролот на Вајнстин, Џуда Енгелмаер, рече дека неговиот клиент боледува од голем број болести, вклучително и леукемија, и дека му е ускратена медицинската нега каква што заслужува некој во неговата состојба, без разлика дали е затвореник или не.
Вајнстин претходно беше хоспитализиран во септември на итна операција на срцето пред повторно да биде затворен.
На ко-основачот на Miramax Films треба повторно да му се суди во Њујорк во 2025 година, откако апелациониот суд ги укина пресудите минатата година за силување на актерката Џесика Ман и сексуален напад на продукциската асистентка Мими Хејли.
