Интернет сензацијата Хасбула Магомедов потпиша петгодишен договор со УФЦ, пренесоа неколку медиуми добро запознаени со настаните од светот на борачките спортови.
Ова 19-годишно момче, кое пати од џуџест раст, пред неколку години стана хит на социјалните мрежи. На Instagram го следат над 3.2 милиони луѓе, а веќе неколку години присуствува на спектаклите во организација на УФЦ.
За потпишувањето на договот со УФЦ се зборуваше одамна, а сега конечно дојде и тој момент. Хасбула потпишал на 5 години, а според договорот ќе има посебна задача.
Хасбула, нормално, нема да се бори, туку во неговиот договор е наведено присуство на настаните под покровителство на УФЦ и настапи помеѓу борбите. Сепак, ќе заработува повеќе пари отколку бројни славни борачи.
„Хасбула потпиша петгодишен договор со УФС. Засега во план е одење на настани и медиумски активности“, изјави Игор Лазорин, угледен новинар специјализиран за борачки спортови.
Лазорин не сакаше да открива повеќе детали од договорот на Хасбула, но порача дека ќе заработува повеќе пари од бројни светски познати борачи.