Георгина Родригес, свршеницата на фудбалерот Кристијано Роналдо, повторно предизвика внимание во јавноста.
Таа на Instagram објави фотографија направена за магазинот InStyle, во која е целосно гола, а во рацете држи Gucci торба, вредна 2.000 евра. Фотографијата за еден ден има над 2.5 милиони лајкови.
Во разговор за модното списание, Георгина раскажа за животот пред врската со славниот фудбалер и скромните почетоци на нејзината кариера.
„Сега кога сум во можност се трудам да им помагам на другите и тоа најмногу ме усреќува. Знам како е да се почне од нула и да се чека крајот на месецот. Сочувствувам со луѓето поради моето скромно потекло. Напорно работев и се жртвував, а универзумот ме награди со моето прекрасно семејство“, раскажа 27-годишната Георгина .
Родригес го запозна Роналдо додека работеше како продажен асистент во Gucci во Мадрид.