Резултатот од ентузијазмот на тјунинг компанијата со седиште во близина на Нирбургринг е хибридниот четирисед на AMG кој достигнува 100 км/ч за 2,7 секунди и развива повеќе од 320 км/ч.
Заборавајќи на долго распродадениот и ограничен број хибридни двоседи Mercedes-AMG One придвижуван од модифициран мотор од Формула 1, моментално најмоќниот производ AMG што може да се користи на јавни патишта е хибридниот модел со 4 врати GT 63S 4- Door Coupé E Performance со кои возачот може да смета на комбинирани 843 КС и 1.400 Nm максимален вртежен момент, што е доволно за забрзување од 0 до 100 за 2,9 секунди и 316 км/ч.
Во германската тјунинг компанија Opus не се занимавале со електромоторот кој развива 204 КС и 320 Nm, туку го рафинираа 4-литарскиот битурбо V8 мотор на AMG, кој наместо стандардниот 639 сега има 758 КС, па комбинираната моќност на луксузниот четирисед е 962 КС, а новиот максималниот вртежен момент е електронски ограничен на 1.550 Nm.
Со повисоки бројки дојдоа уште подобри перформанси, бидејќи Opus Coupé со 4 врати достигнува 100 км/ч од место за 2,7 секунди и достигнува максимална брзина од 321 км/ч. За забрзување од 0 до 200 км/ч потребни се 8,5 секунди.
Првите примероци ќе им бидат достапни на клиентите во октомври, а Opus веќе ја најави Фаза II, со која електрифицираниот AMG GT 63S 4-Door Coupé E Performance треба да има повеќе од 1.000 „коњи“.
