Холивудскиот актер Алек Болдвин во 64 година од животот по осми пат стана татко, со сопругата Хиларија станаа родители на уште една ќерка.
Хиларија се породи на 22 септември и на свет го донесе нивното седмо заедничко дете. Болдвин од првиот брак со Ким Бесинџер има 26-годишна ќерка.
Среќната мајка веста ја сподели на Instagram, каде објави емотивна снимка од првите заеднички моменти со бебето. Поранешната инструкторка по јога на 38 години го роди седмото дете, откако претходно во 2019 година имаше два спонтани абортуси. Во септември, 2020 година го роди синот Едуардо, додека во февруари, 2021 година преку сурогат мајка Хиларија и Алек станаа родители на Марија Лучија Викторија.
Денес, најстарото има 9 години, а најмалото 18 месеци. Сега нивното семејство се прошири со пристигнувањето на Иларија Каталина Ирена. Во брак се од 2012 година, по врска што траеше помалку од година. Во јуни одбележаа 10-годишнина од бракот.
Брачната двојка важи за една од најстабилните во Холивуд. И двајцата се успешни и остварени во професиите и уживаат во одгледувањето на нивните деца и богатството што го имаат.
