Швајцарската тенисерка деновиве прославува годишнина од денот кога првпат стана рекет број 1 во светот на тенисот и воедно најмлада тенисерка на која ѝ успеало тоа.
Мартина Хингис во 1996 година кога имаше 16 години и три месеци го достигна врвот во женскиот тенис. Годината ја започна победувајќи на турнирот за загревање во Сиднеј, за потоа да триумфира на Австралија Опен победувајќи ја во финалето Мери Пирс.
„На денешен ден пред 23 години станав најмладата тенисерка која стана број 1 во светот. Сепак, во овие тешки времиња ми е навистина тешко да уживам во тоа. Можам само да се сетам на тоа колку луѓе страдаат сега. Мораме да останеме силни. Во ова сме сите заедно“, твитна Хингис.
Мартина денес има 39 години и живее во Фојзисберг, Швајцарија. Австралија Опен ја освои трипати (1997, 1998 и 1999), еднаш Вимблдон (1997) и еднаш УС Опен (1997).
