Џокер на Хит Леџер е прогласен за најдобра филмска верзија на овој лик на сите времиња.
Во анкета со повеќе од 23.000 фанови на LADbible, покојниот актер победи со 77 проценти од гласовите за изведбата во филмот на Кристофер Нолан, „The Dark Knight“ од 2008 година.
Хоакин Феникс, кој го играше негативецот во „Joker“ во 2019 година, доби 11 проценти, а Џек Николсон доби 7,2%, а Марк Хамил 4,2% од гласовите.
На Хит Леџер Џокер му беше една од последните улоги во животот. „The Dark Knight“ излезе во 2008 година, по неговата смрт. Во 2009 излезе „The Imaginarium of Doctor Parnassus“, а во 2017 неговиот автобиографски филм „I Am Heath Ledger“.
Актерот почина во 2008 година по земање смртоносна мешавина од различни лекови. Почина наското по завршувањето на снимањето, а за неговата верзија на Џокер постхумно беше награден со бројни признанија за глума, вклучително и Оскар за најдобра споредна улога.
Татко му откри колку бил посветен Хит во подготовките за улогата.
„Се заклучи во хотелска соба и не излегуваше со недели. Работеше на градење на ликот. Тоа беше типично за него. Таков беше. Сакаше да се потопи во ликот, но овојпат отиде предалеку“, изјави татко му.
