Хјустон води со 1-0 во западната пресметка со Лејкерс, додека на Истокот еден финалист е речиси познат откако Мајами поведе со 3-0 против Милвоки.
Џејмс Харден постигна 36 поени во победата на Хјустон Рокитс над Лос Анџелес Лејкерс во првиот натпревар од полуфиналната пресметка во Западната конференција. Кај Лејкерс се истакна Ентони Дејвис со 25 поени и 14 скокови.
Мајами ја забележа и третата победа над Милвоки со што е на чекор до финалето на Источната конференција бидејќи води со убедливи 3-0 во парии и само чудо и неверојатен пресврт може да ги спаси Бакс. Џими Батлер со 30 поени го предводеше својот тим до нова победа, а кај поразените Јанис Адетокунбо забележа 21 поен и 16 скокови.
Вечерва после полноќ се играат другите две полуфинални конференциски пресметки. Бостон Селтикс води 2-1 против Торонто Репторс, додека Лос Анџелес Клиперс има 1-0 против Денвер Нагетс.
Резултати:
Мајами Хит - Милвоки Бакс 115:100 (3-0)
Лос Анџелес Лејкерс - Хјустон Рокитс 97:112 (0-1)
