Оскаровецот Хоакин Феникс и неговата партнерка Руни Мара станаа родители.
Веста за приновата ја откри режисерот Виктор Косаковски во текот на говорот на Филмскиот фестивал во Цирих. Режисерот рече дека Хоакин Феникс не е присутен на претставувањето на филмот „Gunda“, чиј продуцент е, бидејќи неодамна добил дете.
„Тој стана татко на прекрасен син на кој му го даде името Ривер“, изјави режисерот.
Името е по Ривер Феникс, трагично загинатиот брат на Хоакин кој беше холивудска ѕвезда. Почина на 23-годишна возраст од предозирање со комбинација од кокаин и хероин, пишува Independent.
Токму Хоакин беше тој кој повика брза помош кога брат му се онесвести пред клуб, а тој повик подоцна беше објавен во бројни медиуми. За жал, лекарите не успеаја да го спасат Ривер.
Веста за тоа дека Руни Мара и Хоакин Феникс го очекуваат своето прво заедничко дете беше објавена во мај годинава.