Војна меѓу САД и Кина за Тајван е неизбежна доколку Русија ја добие војната со Украина, предупреди рускиот бизнисмен во егзил и критичар на Путин, Михаил Ходорковски.
Да потсетиме дека Ходорковски некогаш беше најбогатиот човек во Русија и сопственик на нафтената компанија Јукос. Тој помина 10 години во затвор, а Путин го помилува во 2013 година. Пред неговото обраќање до глобалните лидери на големата безбедносна и одбранбена конференција во Германија овој викенд, тој за Washington Post изјави дека „ако Украина ја изгуби војната, тоа е чекор кон војна во азиско-пацифичкиот регион“.
„Треба да разберете дека кога големиот шеф ќе добие удар во лице, цел куп други шефови ќе почнат да се сомневаат дека овој човек е навистина толку силен и дека ќе сакаат да тргнат против него“, рече Ходорковски. додавајќи: „Ако Америка сака да влезе во војна во Азија, најдобар начин да го направи тоа е да покаже слабост во Украина“.
Тој истакнува дека единствениот начин да се избегне таков конфликт со Кина е значително да се зголеми западната воена помош за Киев и на крајот да се обезбеди победа на Украина.