Хорор филмот на Демиен Леоне „Terrifier 3“ неодамна беше премиерно прикажан во Лондон и шокираше многу гледачи.
Signature Entertainment, дистрибутерот на филмот, објави на социјалните мрежи дека 11 луѓе ја напуштиле проекцијата, а едно лице повратило.
„Ако 'Terrifier 3' ве погоди, ве молиме известете нѐ дали ви треба дополнителна поддршка во овој момент“, се вели исто така. Беше издадено и предупредување дека филмот содржи екстремно насилство.
Леоне на Х објави дека бил сведок на „луди работи“ на оваа проекција. Тој претходно изјави дека ова негово филмско остварување е толку шокантно што Холивуд го одбил.
„Отидов во холивудските студија кои сакаа да го снимаат 'Terrifier 3'. Одев на состаноци уште пред да го напишам сценариото. Тие беа загрижени за крвавите сцени и многу повеќе. Знаев дека нема да ми дозволат да снимам“, рече тој.
„Terrifier 3“ ја раскажува приказната за Арт кловнот, кој започнува убиствена треска врз жителите на округот Мајлс додека мирно одат да спијат на Бадник. Улогите во овој филм ги толкуваат Дејвид Хауард Торнтон, Лорен ЛаВера, Антонела Роуз, Елиот Фулам и други.
Во американските кина ќе почне да се прикажува на 11 октомври.
„Ви гарантирам дека првите 5 минути од овој филм ќе бидат многу контроверзни, но тоа не е ни главната сцена за убиство“, додаде Леоне.
