Во филмската индустрија, освојувањето на Оскар е голема привилегија, но има ѕведи на кои оваа награда не им претставува „ништо посебно“. Иако оваа златна статуетка им има донесено статус во кој уживаат со години, некои од нив се толку невнимателни, што ја имаат затурено или изгубено.
Вупи Голдберг на пример, не го изгуби Оскарот бидејќи не ѝ е гајле. Во 2002 година Голдберг доби Оскар за споредна улога во филмот „Ghost“. Актерката го пратила Оскарот во Академијата за филмска уметност и наука за да ѝ биде изгравирано името на статуетката. Академијата го пратила во компанијата R.S. Ovens во Чикаго, задолжена за тоа. Меѓутоа, кога пакетот бил вратен од Чикаго, стигнал празен. Се претпоставува дека некој го отворил пакетот и го украл Оскарот. Подоцна статуетката беше најдена на отпад во близина на аеродромот во Онтарио, Канада. Голдберг го доби назад својот Оскар, валкан, но со нејзино име. Оскаровката вели дека сега веќе нема да дозволи статуетката да биде изнесена од нејзиниот дом.
Аџелина Џоли
Прекрасната актерка во 2000 година освои Оскар за најдобра споредна улога во филмот „Girl, Interrupted“, а на свеченоста го шокираше целиот свет кога се бакна со брат ѝ во уста. Златната статуетка ѝ ја подарила на мајка ѝ Маршелин Бертран, а кога таа почина во 2007 година, Оскарот се изгубил во кутиите со нејзините лични предмети.
„Го немам изгубено, само не знам каде точно се наоѓа во моментов“, рече Џоли во едно интервју.
Џеф Бриџис
Џеф Бриџис доби Оскар во 2010 година за улогата во кантри филмот „Crazy Heart“ и успеа да го изгуби до следното доделување на Оскарите.
„Го гледав на разни места по дома изминатава година, ама веќе некое време немам поим каде е. Се надевам дека ќе се појави бидејќи не освоив уште еден“, рече Бриџис.
Мет Дејмон
По незаборавниот момент кога заедно со Бен Афлек освои Оскар за филмот „Good Will Hunting“ во 1998 година, Мет Дејмот не знае каде е неговата златна статуетка.
„Знам дека ја однесов во станот во Њујорк, но за жал тогаш станот се поплави. Потоа заминав на пат и никогаш веќе не го видов Оскарот“, рече холивудскиот актер.