Холивудските русокоси Кејт Хадсон (41) и Гвинет Палтроу (48) открија дека филмските бакнежи со некои од нивните колеги навистина не биле за паметење. Барем не по добро.
Некои од бакнежите што ги размениле во името на филмски улоги биле толку разочарувачки што им останале врежани во сеќавањето.
„Искрено, имам чувство дека никогаш не сум имала совршен филмски бакнеж“, рече Хадсон како гостинка на подкастот на Палтроу, The Goop Podcast.
Потоа, таа го спомена својот колега со кого глумеше во филмовите „How to Lose a Guy in 10 Days“ (2003) и во „Fool’s Gold“ пет години подоцна – Метју Меконахи.
„Кога се бакнавме во Fool’s Gold, стоевме во океанот, имавме авионска несреќа, а тој имаше плунка на лицето“, рече познатата актерка.
Палтроу ја праша дали повеќе го чувствува како брат, отколку како некој со кој би можела да биде во романтична врска, на што Хадсон рече дека се чувствува така понекогаш, но не секогаш.
Потоа и Палтроу се отвори и рече дека кога се бакнувала со Роберт Дауни Џуниор се чувствувала како да се бакнува со брат.
„Со Роберт, кога го бакнав, си реков „А бе ајде, ова е буквално како да го бакнувам брат ми!“
Хадсон сепак кажа и кој актер го поминал „тестот“ – Били Крадап со кој играше во „Almost Famous“ (2000).
Уште една позната холивудска русокоса – Шерон Стоун – неодамна зборуваше за тоа кој од нејзините колеги најдобро се бакнува.
Актерката како гостинка во една емисија одговори на прашањето на гледачите и се чини дека не мораше многу да размислува, бидејќи беше прилично сигурна во нејзиниот одговор.
„Роберт де Ниро дефинитивно најдобро се бакнува. Да, Боб е далеку пред сите други“, рече Стоун.
Како што објасни таа, причината за ваквиот одговор е и фактот дека имала многу почит кон него уште пред да соработуваат заедно, пренесува британски Mirror.
„Му се восхитував најмногу од сите актери. Сакав да бидам како него цела моја кариера. Можеби затоа бакнувањето со него беше одличен момент за мене. Бев лудо заљубена во него како актерka, па веројатно можеше да ме чукне по глава со чекан и јас да речам дека тоа е супер“, се пошегува актерката.
Де Ниро „победи“ во силна конкуренција – Стоун работела со некои од најпознатите „шармери“ во Холивуд, како Силвестер Сталоне, Мајкл Даглас и Арнолд Шварценегер.
„Не можам да споредувам никој друг со Де Ниро. Во споредба со него, сè друго е млако“, рече 62-годишната Стоун.
А како Де Ниро реагираше на оваа вест?
