Голем пожар денеска изби во Светскиот трговски центар во Хонгконг, а според последните информации, околу 300 луѓе се заробени на покривот на зградата.
Пожарот е од трет степен, пренесе South China Morning Post. Најмалку 12 лица се повредени во зградата која има 38 ката. Досега се евакуирани околу 1.200 лица. Еден од работниците кои работеле на реновирање на објектот вели дека внатре е „како да сте во лавиринт“.
Хоспитализирани се 4 лица меѓу кои и 60-годишна жена во полусвесна состојба по вдишување чад.
Меѓу оние кои моментално не можат да излезат од зградата се гости на ресторани и посетители на трговскиот. Пожарникарите користат посебни продолжени скали за да дојдат до заробените луѓе.
Според медиумите, пожарот настанал во просторијата со осигурувачи.