Хонгконг на јавните службеници ќе има даде по еден слободен ден по примена доза вакцина против COVID-19, објави тамошната влада, обидувајќи се да ја забрза бавната кампања на имунизација на 7,5 милиони луѓе.
Патрик Нип, секретар за јавни услуги, на прес-конференција објави дека владата е во разговори со финансиски институции, факултети и забавни паркови за воспоставување центри за вакцинација на нивните вработени.
Шефицата на Владата на Хонгконг, Кери Лам, во таа пригода изјави дека се испратени повеќе од стотина писма до компаниите со цел да ги следат мерките.
„Денеска ја започнуваме кампањата „Рано вакцинирање за сите“ со цел да се забрза бројот на вакцинирани и да се постигне колективен имунитет“, изјави таа.
И од министерството за здравство во Хонгконг повикаа колегите да се вакцинираат, предупредувајќи ги дека би можело да се случи уште еден бран на коронавирус со што повторно би се вовеле рестриктивни мерки за оние кои не се вакцинирани.
Една доза досега примиле околу 21 процент од населението постаро од 16 години. Жителите на Хонгконг можат да бираат меѓу вакцините на Sinovac и Pfizer.