Додека седел на WC школката во својот тоалет, 65-годишниот Австриец искусил непријатно доживување откако бил каснат од питон.
Непријатниот момент се случил во 6 часот наутро, кога и сфатил дека во школката има албино питон долг 1,6 метри, соопшти полицијата.
„Кратко откако седнал на WC школката, жителот на Грац, како што самиот изјави, почувствувал гризнување во пределот на гениталиите“, стои во полицискиот записник.
Се претпоставува дека змијата, која може да порасне до 9 метри и потекнува од Азија, избегала од станот на неговиот сосед и дошла до неговиот стан преку одводот. Полицијата посочи дека не е можно со сигурност да се каже како точно стигнала до WC школката.
Змијата е вратена кај сопственикот, а 65-годишниот несреќник минал со полесни повреди. Питонот е во сопственост на 24-годишник кој чува 11 неотровни змии и кој добил пријава во обвинителството за предизвикување физички повреди од небрежност, пренесува CNN.