На легендарната патека Штрејф во Кицбил се случи страшна несреќа при која 26-годишниот швајцарски скијач Урс Крунбил изгуби рамнотежа и доживеа страшен пад. Тој леташе десетина метри при брзина од скоро 150 км/час.
По падот, тој остана неподвижен на патеката. Веднаш интервенираа медицинските лица, а младиот скијач со хеликоптер беше пренесен во болница.
Првите информации говорат дека Крунбил доживеал тешка повреда на главата и дека не е во состојба да зборува.
Пред него, тежок пад доживеа и Американецот Рајан Кокран-Сигл, но трката набргу беше продолжена.