Помеѓу шест и осум деца биле избодени со нож на француско игралиште пред напаѓачот да биде совладан од полицијата.
Очевидци изјавија за Ле Дофин дека маж облечен во турбан почнал да напаѓа деца на мало игралиште во Анеси, алпски град во Југоисточна Франција.
Францускиот министер за внатрешни работи Жералд Дарманан на Twitter напиша: „Неколку лица, меѓу кои и деца, беа повредени од лице вооружено со нож во Анеси. Тој е уапсен благодарение на многу брзата интервенција на полицијата“.
Според некои медиуми, повредени се шест деца и еден возрасен.
Повредените биле итно пренесени во болница.
Одредени улици во Анеси се затворени.
AFP објави дека напаѓачот е Сириец кој барал азил во Франција.