По натпреварот од 11. коло од Првата лига на Индонезија помеѓу Арема и Персебаја, кој заврши со победа на гостите, на десната страна настана вистински хаос во кој загинаа 129 лица.
Откако натпреварот заврши со триумф на Персебаја од 3:2, разочараните домашни навивачи се упатија на теренот на стадионот Канџурухан во Маланг и почнаа да се тепаат со полицијата, објави CNN.
Полицијата употреби солзавец, што предизвика стампедо, а потоа во конфликтот се вклучија и навивачите на Персебаја. Според првите извештаи, загинале 129 лица - 127 навивачи и двајца полицајци, изјави за новинарите началникот на полицијата во Источна Јава, Нико Афинта.
Исто така, повредени се повеќе од 180 лица, а дел од нив се задржани на болничко лекување бидејќи се во тешка состојба.
Фудбалскиот сојуз на Индонезија ја суспендираше Првата лига на седум дена и започна истрага. Исто така, Арема оваа сезона нема да игра домашни натпревари на својот стадион, беше соопштено дополнително.
