Хормоналните промени се неизбежни за жените кои влегуваат во 50-тите години и минуваат низ менопауза.
Сепак, има неколку работи што можете да ги направите за да ги минимизирате симптомите на менопаузата, а исхраната е еден од клучните фактори што треба да се земе предвид. Вклучувањето на хранлива, целосна храна во вашата исхрана е важен чекор во вистинската насока, но исто толку важно е да го ограничите внесот на одредени преработени намирници кои можат да ја попречат способноста на телото да го балансира естрогенот, прогестеронот и другите хормони.
Да се фокусираме на вообичаените виновници - треба да се откажеме од одредена храна за подобра хормонална рамнотежа и управување со тежината по 50-тата година. Д-р Мајкл Лахи предупредува на три популарни намирници што треба да ги избегнуваме.
Иако се вкусни, преработените меса како колбаси, виршли и филеа се едни од најлошите видови месо за здравјето, вклучувајќи го и здравјето на хормоните. Прекумерното консумирање може да го зголеми нивото на естроген и да ја наруши хормоналната рамнотежа, што значи дека жените за време на менопаузата треба да бидат особено внимателни со внесувањето на овие намирници. Покрај тоа, преработеното месо содржи многу натриум и конзерванси, што може да доведе до надуеност и воспаление.
„Оваа храна може да ги влоши симптомите на менопаузата со зголемување на нивото на воспаление во телото“, истакнува д-р Лахи за SheFinds. Тој додава дека надуеноста и онака е честа поплака за време на менопаузата, а додадениот натриум во овие месни производи само ја влошува ситуацијата. За да се избегне ова, д-р Лахи препорачува да се изберат посни протеини, како што се пилешки гради без кожа или риба.
Слатките како бонбоните и газираните пијалоци се без сомнение вкусни за многумина и тешко е да им се одолее. За жал, нивната висока содржина на фруктоза веројатно ќе доведе до ненадејни скокови и падови на нивото на шеќер во крвта. Овој ефект може да ги исфрли хормоните од рамнотежа и да ги влоши промените на расположението и заморот, кои се вообичаени симптоми на менопаузата.
„Газираните пијалоци и слатките предизвикуваат раздразливо расположение и непотребен замор, што многу се чувствува во менопаузата“, предупредува д-р Лахи.
Плус, сиот тој шеќер може да придонесе за складирање на маснотии и да го зголеми ризикот за други здравствени проблеми. Докторот препорачува свежо овошје или парче темно чоколадо како поздрава алтернатива кога сакаме нешто слатко. Ако сè уште копнееме за газиран пијалок, тој препорачува вода со лимон или бобинки.
Белиот леб, колачи и други рафинирани јаглехидрати може да бидат вкусни задоволства, а во некои случаи дури и основни производи во кујната. За жал, за време на менопаузата, и воопшто, тие прават повеќе штета отколку корист. Според лекарите, „рафинираните јаглехидрати ја зголемуваат тежината и нивото на инсулин, што го отежнува слабеењето“.
Тие исто така може да ги влошат промените во расположението и често да се чувствувате исцрпени. Наместо тоа, можеме да изберете цели зрна како киноа, кафеав ориз и леб од цели зрна за подобра регулација на шеќерот во крвта и одржлива енергија.
