Една нова студија покажа дека потрошувачката на ултраобработена храна (УПФ) е поврзана со забрзано стареење. Поради оваа причина, треба да ја консумирате што е можно помалку.
Ултраобработената храна вклучува грицки, слатки пијалаци, овошен јогурт, житарици, масовно произведен леб, алтернативи за месо итн. Во истражувањето учествувале средовечни и постари Италијанци. Оние што консумирале повеќе од 14% од дневните калории од ултраобработена храна биле биолошки постари од нивната вистинска возраст.
Ултраобработената храна долго време има лоша репутација дека е богата со калории, шеќер, масти и сол. Затоа, многу експерти советуваат да се намали нејзината потрошувачка.
„Покрај тоа што е нутритивно несоодветна, богата со шеќери, соли и заситени или трансмасти, ултраобработената храна се подложува на интензивна индустриска обработка што всушност ја менува нејзината прехрамбена матрица, со последователно губење на хранливите материи и влакна“, вели авторката на студијата Мариалаура Боначо.
Додаде дека тоа има многу негативни последици врз метаболизмот и функционалноста на дигестивниот тракт. Имајќи предвид дека ултраобработената храна често се завиткува во пластична амбалажа, таа на тој начин станува преносител на материи токсични за телото.
