Пушењето остава трага на белите дробови, а овие намирници можат да ви помогнат да ги исчистите.
Пушењето убива – тоа предупредување сте го слушнале илјада пати, а причината зошто е толку опасно е што со текот на времето доведува до бројни здравствени проблеми како срцев удар, мозочен удар, разни видови на рак...
Доколку пушите, би било добро да престанете што е можно поскоро, но имајте на ум дека оштетувањето на белите дробови е веќе направено. Добрата вест, сепак, е дека постојат некои намирници кои можат да ви помогнат да ги исчистите од насобраните токсини.
Ѓумбирот е познат по своите антиинфламаторни својства кои помагаат ефикасно да се отстранат токсините од респираторниот тракт. Лукот, пак, ја содржи моќната супстанца алицин, која ги отпушува дишните патишта, го намалува воспалението и воопшто ги чисти органите за дишење.
Куркумата без причина не се нарекува „златен зачин“. Има силни антиинфламаторни ефекти кои помагаат во чистење на белите дробови и заштита од бројни респираторни проблеми. Јаболката содржат вистинско богатство на флавоноиди, витамини и антиоксиданси, особено витамин Ц, што ги прави моќни во одбраната на белите дробови од разни болести.
Зелениот чај е богат со антиоксиданси, помага да се отстрани течноста од белите дробови и го штити овој орган од бројни здравствени проблеми. Освен тоа, антимикробните состојки на овој чај помагаат да се исфрлат секретите кои се „лепат“ за белите дробови кај пушачите.
Зелјестиот зеленчук содржи хлорофил, кој помага во детоксикација на крвта и исфрлање на токсините од сите органи во телото, вклучувајќи ги и белите дробови.